BN(O)簽證推出接近5年，內政部累計批出超過22萬人簽證申請，近17萬人到埗，#Vlog咪《BNO去邊度》系列，正記錄這群離鄉者的足跡與心路，細訴每個港人移英背後的故事。

今集《#BNO去邊度》由倫敦自駕北上曼城覓食，呢件事每次諗起我都覺得好激動…因為來回車程至少7小時，去到Konger Cafe。

「可能係英國最多人聚腳嘅一間茶餐廳」，用呢個phrase去形容Konger Cafe或者都貼近事實。Konger Cafe同香港人足球隊Konger FC同千絲萬縷，呢種相連模式似乎香港無出現過，呢幾年移民來到的香港人，創造能力遠比想像中的巨大，足球隊、茶餐廳再組成Golf club，由「逃避太太Group」演變為各自精彩，「搞搞下好似社區中心」。

做飲食，十個香港人九個都會嫌辛苦，三子同意好辛苦，但都係值得同滿足，返工都係嘻嘻哈哈、好嘈。要融入英國是這幾年香港人在地的課題，Konger Cafe由「食」出發，的確引起本地人留意，與此同時足球亦是其中一個最直接渠道。

去年底「民主女神像」輾轉間安放於Konger Cafe，政治與生活掛勾有無憂慮？兄弟認為，歷史是要記低，擔心但亦控制不到，懼怕亦不是辦法，做正確的事、做想做的事，不應該輕易言棄。