【「香港民女」避秦記｜中大民女像落戶曼城港人食店　東主盼接力傳承歷史】

跨越大半個地球，今年9月輾轉平安抵達英國南部的中大民主女神像，近日「二次移居」曼徹斯特。接手「收留」民女的港人球會 Konger FC 餐廳負責人表示，會為民女進行需要的保養及修復，並考慮永久展出，強調是海外港人應有之義。

以2019年中大保衞戰的被捕女生為藍本的中大民主女神像，今年9月由德國運抵英國塞頓（Sutton），在當地一間獨立戲院原本安排永久展出，惟該戲院今年11月起突然永久關閉，所以「民女」需要尋找新地方安置，最後以曼徹斯特為基地的港人球會 Konger FC 同意借出旗下餐廳接手展出雕像。

Konger FC 創會成員兼餐廳 Konger Cafe 其中一名東主 Leo 向《追光者》表示，與拍檔並無考慮太多就作出「收留」雕像的決定，因為民女象徵着香港一段值得紀念的歷史：「既然有得接咪接囉，因為我哋自己覺得當佢係一件藝術品又好、係一件紀念嘅嘢都好，身為香港人，我哋都有份責任去將件事記錄低，同埋盡力將當時嘅嘢 keep 喺度。」

該球會政治立場向來鮮明，亦因為堅守原則過去尋找贊助商時遇到困難，但餐廳兩位東主兼創會元老，早已有心理準備要承受某些風險及代價，今次決定接手展出民女像時，亦沒有顧慮太多，堅持貫徹始終。

民女離開香港後，輾轉先送往德國，由香港人在德國協會保管，如今甫抵達英國又要再「舟車勞頓」由南部送來英倫大西北，Leo 笑指與近年移居海外、甚至二次移居的港人經歷彷彿一致。

｜近觀「民女」感無力、悲傷　Konger FC或尋求永久展出

民女由三名義工從塞頓運抵曼城，Leo 透露當日送到餐廳門口遇上阻滯，「因為我哋個門口唔夠大，我哋要將佢拆件先至入到嚟。同埋佢都五癆七傷，所以係需要保養啦，需要好好地 keep 住佢。因為始終都行咗大半個地球。」

問到 Leo 看着民女挺立在自己餐廳有甚麼感覺，他感慨地表示：「我無諗過佢會存在喺我哋嘅周邊…… 近距離去觀察女神呢個像，睇番相關歷史，我覺得係 sad 嘅，係比較無奈同好重無力感。想做啲嘢去改變但改變唔到，唯有去世界第二個地方再去生存、再去記錄，我相信冇一個土生土長嘅香港人願意咁樣承傳一件事。」

中大民主女神像目前會以借用形式在 Konger Cafe 展出，暫時未有完結日期。Leo 指會尋求永久展出雕像，但細節要與香港人在德國協會進一步商討。